युट्यूब लाइव्ह फोन इन कार्यक्रमाच्या च्या माध्यमातून शेतकऱ्यांना धान कीड व रोग व्यवस्थापन यावर मार्गदर्शन
भंडारा : जिल्हया मध्ये मोठ्या प्रमाणात धान लागवड केली जाते . सध्या भंडारा जिल्हयामध्ये मागील काही दिवसांपासून छान पाऊस पडत आहे. परंतु शेतकऱ्यांच्या मनात धान पीक कीड व रोग व्यवस्थापन बद्दल अनेक प्रश्न होते. व त्या प्रश्नांचे निराकरण करण्याच्या उद्देशाने रिलायन्स फाउंडेशन माहिती सेवा भंडारा व कृषी संशोधन केंद्र साकोली, भंडारा यांच्या संयुक्त विद्यमाने तंत्रज्ञांनावर आधारित “ *युट्यूब लाईव्ह फोन इन कार्यक्रम* ” या कार्यक्रमाच्या माध्यमातून दिनांक 30/09/2020 रोजी धान पीक कीड व रोग व्यवस्थापन या कार्यक्रमाचे आयोजन रिलायन्स फाउंडेशन चे सहाय्यक कार्यक्रम अधिकारी श्री. धम्मदीप गोंडाने व कार्यक्रम सहाय्यक श्री. राहुल मेश्राम यांनी केले होते.
या कार्यक्रमाला प्रमुख मार्गदर्शक म्हणून कृषी संशोधन केंद्र साकोली, भंडारा येथील डॉ. जी. आर. शामकुवर( वरीष्ठ भात पैदासकार) कृषी संशोधन केंद्र साकोली भंडारा आणि डॉ.बी.एन. चौधरी कीटकशास्त्रज्ञ, कृषी संशोधन केंद्र साकोली, भंडारा यांनी भंडारा जिल्ह्यातील शेतकऱ्यांना धान पिकावर येणाऱ्या विविध कीड जसे तुडतुडा, खोडकिडा, लष्करी अळी, गादमाशी तसेच करपा, कडकरपा पर्णकोश, मानमोडी या विवध रोगबद्दल व त्यावरील उपाय योजना बद्दल शेतकऱ्यांना मार्गदर्शन केले. त्याच प्रमाणे धानामधील तण व्यवस्थापन, खत व्यवस्थापन व पाणी व्यवस्थापन बद्दल मार्गदर्शन केले.
भंडारा जिल्ह्यातील विविध गावातून अनेक शेतकऱ्यांनी लाइव्ह चॅट च्या माध्यमातून व फोन च्या माध्यमातून प्रश्न विचारून त्यांच्या शंकाचे निराकरण केले.
