व्हाट्स अँप ग्रुप च्या माध्यमातून शेतकऱ्यांना धान कीड व रोग व्यवस्थापन यावर मार्गदर्शन
भंडारा जिल्हया मध्ये मोठ्या प्रमाणात धान लागवड केली जाते . सध्या भंडारा जिल्हयामध्ये मागील काही दिवसांपासून छान पाऊस पडत आहे. त्यामुळे मोठ्या प्रमाणात धान रोवणी झाली आहे . परंतु शेतकऱ्यांच्या मनात धान पीक कीड व रोग व्यवस्थापन बद्दल अनेक प्रश्न होते. व त्या प्रश्नांचे निराकरण करण्याच्या उद्देशाने रिलायन्स फाउंडेशन माहिती सेवा भंडारा यांच्या मार्फत तंत्रज्ञांनावर आधारित “व्हाट्स अँप ग्रुप चॅट” या कार्यक्रमाच्या माध्यमातून दिनांक 22/09/2020 रोजी धान पीक कीड व रोग व्यवस्थापन या कार्यक्रमाचे आयोजन रिलायन्स फाउंडेशन चे सहाय्यक कार्यक्रम अधिकारी श्री. धम्मदीप गोंडाने व कार्यक्रम सहाय्यक श्री. राहुल मेश्राम यांनी केले होते.
या कार्यक्रमाला प्रमुख मार्गदर्शक म्हणून श्री. राजेंद्र जाणे (कृषि तज्ञ) यांनी भंडारा जिल्ह्यातील शेतकऱ्यांना धान पिकावर येणाऱ्या विविध कीड जसे तुडतुडा , खोडकिडा , लष्करी अळी , गादमाशी तसेच करपा , कडकरपा पर्णकोश , मानमोडी या विवध रोगबद्दल व त्यावरील उपाय योजना बद्दल शेतकऱ्यांना मार्गदर्शन केले. त्याच प्रमाणे धानामधील तण व्यवस्थापन , खत व्यवस्थापन व पाणी व्यवस्थापन बद्दल मार्गदर्शन केले. जिल्ह्यातील विविध गावातून अनेक शेतकऱ्यांनी ग्रुप मध्ये प्रश्न विचारून त्यांच्या शंकाचे निराकरण केले.
