तळेगांव श्यामजी पंत येथील काकडदरा वार्ड प्रतिबंधित क्षेत्र घोषित

प्रतिनिधी मयूर वानखडे :

वर्धा । जिल्ह्यातील आष्टी तालुक्यातील तळेगाव शामजी पंत येथील वार्ड क्रमांक २ नवीन काकडदरा या भागातील निश्चित केलेल्या कंटेनमेंट भागातील रहिवासी असलेले व्यक्ती कोरोना बाधित आढळून आल्याने व त्याचा प्रादुर्भाव इतर भागात पसरू नये याकरिता सार्वजनिक आरोग्याच्या दृष्टीने तसेच नागरिकांचे हित व सुरक्षास्तव उपविभागीय दंडाधिकारी तथा उपविभागीय अधिकारी हरीश धार्मिक त्यांनी पुढील आदेशापर्यंत प्रतिबंधित क्षेत्र म्हणून घोषित केले आहे.

कंटेनमेंट क्षेत्र खालील प्रमाणे :

आष्टी तालुक्याचे हद्दीतील वार्ड क्रमांक २ नवीन काकडदरा

• उत्तरेकडील सरस्वती मनोहर यांचे घर ते दिलीप फडके यांचे घर
• पश्चिमेकडील श्री इंगोले यांचे घर श्री डेहनकर यांचे घर
• दक्षिणेकडील ग्रामपंचायत कार्यालय काकडदरा मागील बाजू
• पूर्वेकडे श्री इंगळे यांचे घर ते श्री मदारकर यांचे घर
• बफर क्षेत्र नवीन काकडदरा

कंटेनमेंट क्षेत्रात येणारे व जाणारे सर्व रस्ते ये-जा करण्यासाठी बंद करण्यात आले आहे, सदर भागातील नागरिकांना प्रतिबंधित क्षेत्राचे बाहेर जाण्यास व क्षेत्राबाहेरील नागरिकांना सदर क्षेत्रास येण्यास पूर्णता प्रतिबंध करण्यात आला आहे जीवनावश्यक सेवा येथील रहिवाशांना घरपोच मिळणार आहे जीवनावश्यक वस्तूंचा सेवा पुरवठा करणाऱ्या व्यक्ती संबंधित दुकानांना केवळ घरपोच सुविधा देण्यासाठी मुभा देण्यात आली आहे.